Qazaqstanda tsıfrlyq habar taratý jaǵdaıy qandaı

NUR-SULTAN. QazAqparat – Aqparat jáne qoǵamdyq damý mınıstri Aıda Balaeva tsıfrlyq efırlik teleradıo habarlaryn taratýdy engizý jumystary týraly aıtyp berdi, dep habarlaıdy QazAqparat tilshisi.

«Tsıfrlyq efırlik teleradıo habarlaryn taratýdy engizý jalǵasýda. Onymen Qazaqstan halqynyń 84 paıyzdan astamy qamtylǵan. Analogty telearna Mańǵystaý, Jambyl, Túrkistan, Almaty, Pavlodar, Qostanaı oblystary men Shymkent qalasynda tolyqtaı ajyratyldy», - dedi mınıstr Ortalyq kommýnıkatsııalar qyzmetinde onlaın rejımde ótken halyqqa esep berý kezdesýi barysynda.

Onyń sózine qaraǵanda, 2020 jyldyń sońyna deıin tsıfrlyq efırlik telearnaǵa Soltústik Qazaqstan oblysy men Almaty qalasy kóshedi.

«Mınıstrlik tarapynan radıohabar taratýdy damytý tujyrymdamasy turǵysynda jumys bastaldy. Onda jabdyqtardy jańartý, sondaı-aq radıohabar jelesin keńeıtý qadamdary eskeriledi. Ásirese, elimizdiń shekaraǵa shektes aýdandarynda radıohabar jelesimen qamtýǵa ekpin qoıylady», - dedi A. Balaeva.