Qazaqstanda byltyrǵy dinı ahýaldy 2012 jylmen salystyrýǵa bolmaıdy - Din isteri agenttigi
ASTANA. QazAqparat - Byltyrǵy jyly elimizde dinı qaqtyǵystar men teketirester nemese arazdyqtar oryn alǵan joq. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda Din isteri agenttiginiń tóraǵasy Marat Ázilhanov málim etti.
«Byltyrǵy jaǵdaıdy 2011-2012 jyldardaǵy jaǵdaımen salystyrýǵa bolmaıdy. 2013 jyly dinı qaqtyǵystar men teketirester nemese arazdyqtar oryn alǵan joq», - dedi ol.
Marat Ázilhanov 2013 jyly júrgizilgen birqatar áleýmettanýlyq saýalnamalar ótkizilgenin, suraý salynǵan azamattardyń 90 paıyzǵa jýyǵy elimizdegi dinı ahýaldy qalypty dep baǵalaǵanyn atap ótti.
«Dinaralyq qarym-qatynastar salasyndaǵy memleket saıasatyn azamattardyń 86 paıyzy qoldap otyr. Bizdiń oıymyzsha, osy kórsetkishter dinı saladaǵy memleket qabyldaǵan sharalardyń pármendiligin kórsetedi», -dedi agenttik tóraǵasy.
Agenttiktiń uıymdastyrý-ádistemelik turǵydan súıemeldeýimen quramynda memlekettik organdardyń mamandary, dintanýshylar, teologtar men ımamdar bar 500-den astam aqparattyq toptardyń jumysy uıymdastyryldy. Turǵyndardyń dinı saýatyn arttyrý, Qazaqstan halqynyń rýhanı qundylyqtaryn nasıhattaý jáne dinı ekstremızmniń aldyn alý baǵytynda júrgizilgen jumystar 1 mln. 300 myńnan astam adamdy qamtydy.
