Qazaqstanda byltyr terrorızmdi nasıhattaıtyn 9 myńǵa jýyq saıt jabyldy

ASTANA. QazAqparat - Qazaqstanda 2017 jyly terrorızmdi nasıhattaıtyn 9 myńǵa jýyq saıttyń jumysy toqtatylǵan. Bul týraly QR Aqparat jáne kommýnıkatsııalar mınıstrliginiń keńeıtilgen alqa májilisinde QR Aqparat jáne kommýnıkatsııalar mınıstri Dáýren Abaev málim etti, dep habarlaıdy «QazAqparat» HAA tilshisi.

Alqa májilisinde sóz sóılegen mınıstr 2017 jyldyń 28 jeltoqsanynda Prezıdenttiń aqparat jáne kommýnıkatsııalar jónindegi zań jobasyna qol qoıǵanyn atap ótti.

«Bul zań bizdiń azamattardyń quqyǵyn qorǵaýdyń mehanızmderin kúsheıtedi. BAQ salasyna, baılanys operatorlarynyń jumysyna qatysty talaptardy ońtaılandyrady», - deıdi mınıstr.
 

Dáýren Abaevtyń aıtýynsha mınıstrlik aqparattyq keńistikte tıisti zańnyń saqtalýyn qamtamasyz etý boıynsha jumysty jalǵastyrmaq.

«Ótken jyly terrorızm men dinı ekstremızmdi, sýıtsıd, zorlyq-zombylyqty nasıhattaıtyn 9 myńǵa jýyq saıttyń jumysy toqtatyldy. Áleýmettik jelilerde osy saryndaǵy 230 myń materıal joıyldy», - dedi mınıstr.