Qazaqstanda byltyr 720 myń jeńil avtomobıl tirkeldi
«2020 jylǵy qańtar-qarashada Qazaqstan Respýblıkasynda 720 026 jeńil avtomobıl tirkelgen. Bul ótken jylǵy tıisti kezeńmen salystyrǵanda 10,8 paıyzǵa kem. Qazaqstan Respýblıkasynda 2020 jylǵy 1 jeltoqsandaǵy jaǵdaı boıynsha tirkelgen jeńil avtomobılderdiń sany 3 898,1 myń birlikti qurady», - delingen QR Strategııalyq josparlaý jáne reformalar agenttiginiń Ulttyq statıstıka bıýrosy taratqan aqparatta.
Vedomstvo málimetinshe, ótken jyldyń 11 aıynda 11 837 jol-kólik oqıǵasy tirkelip, 17 193 adam zardap shekti. Ótken jylǵy tıisti kezeńmen salystyrǵanda jol-kólik oqıǵasy 20,2 paıyzǵa kemidi.
2020 jylǵy 1 jeltoqsandaǵy jaǵdaı boıynsha kólik quraldary ıeleriniń azamattyq-quqyqtyq jaýapkershiligin mindetti saqtandyrý boıynsha saqtandyrý uıymdary 26,1 mlrd teńge somasynda 62 346 saqtandyrý tólemin júzege asyrdy.
