Qazaqstanda byltyr 177 adamǵa organdar almastyryldy

ASTANA. QazAqparat - Byltyr 177 qazaqstandyqqa organdar almastyrý operatsııalary júzege asyryldy. Onyń ishinde 130 búırek, 19 baýyr transplantatsııasy jasaldy. Bul týraly búgin Parlament Májilisindegi Úkimet saǵatynda Densaýlyq saqtaý mınıstri Salıdat Qaıyrbekova málim etti.

Densaýlyq saqtaý mınıstrliginiń málimetine qaraǵanda, byltyr elimizde alpys myńnan astam kardıohırýrgııalyq operatsııa jasalǵan. Budan bólek, júrekke ashyq ota jasaý on myńnan asty. Respýblıka boıynsha qyryq ınsýlttik ortalyq ashyldy.

Mınıstrdiń aıtýynsha, esepti kezeńde engizilgen biregeı tehnologııalar 2012 jylmen salystyrǵanda 2,5 esege artty. «Ozyq halyqaralyq medıtsınalyq tehnologııalardy meńgerý úshin 128 otandyq dáriger shetelderge jiberildi. Jalpy byltyr respýblıkalyq bıýdjet esebinen elý myńnan astam medıtsınalyq qyzmetker biliktiligin arttyrdy», - deıdi S. Qaıyrbekova.