Qazaqstanda byltyr 17,1 mln sharshy baspana paıdalanýǵa berildi

NUR-SULTAN. QazAqparat - Elimizde 2021 jyly 17,1 mln sharshy metr turǵyn úı paıdalanýǵa berildi. Bul arǵy jylmen salystyrǵanda 11,4% kóp, dep habarlaıdy QR IIDM baspasóz qyzmeti.

Respýblıka boıynsha barlyǵy 151 192 baspana, onyń ishinde 41 250 jeke turǵyn úı paıdalanýǵa berildi.

Salaǵa salynǵan ınvestıtsııa kólemi 2,4 trln. teńgege jetip, 2020 jyldyń sáıkes kezeńine qaraǵanda 19,1% artty.

Turǵyn úıdi paıdalanýǵa berý kólemi arǵy jylmen salystyrǵanda barlyq óńirde derlik ósken. Atap aıtqanda, Mańǵystaý (119%), Aqmola (115,8%), Jambyl (112,9%), Pavlodar (112,3%) oblystary, sondaı-aq Almaty qalasy (116,6%) jáne Shymkent qalasy (116,1%) kósh basynda.

Osy rette Qaraǵandy (98,5%) jáne Qyzylorda (93,8%) oblystaryn qospaǵanda, Qostanaı (109,8%), Almaty (109,7%), Shyǵys Qazaqstan (107,4%), Atyraý (106,2%), Soltústik Qazaqstan (105,8%), Batys Qazaqstan (105,1%), Túrkistan (104,1%), Aqtóbe (104%) oblystarynda, Nur-sultan qalasynda (104,6%) oń serpin baıqalady.