Qazaqstanda byltyr 140 myńnan astam baspana paıdalanýǵa berildi

NUR-SULTAN. QazAqparat – 2020 jyly qurylys salasy ekonomıkalyq ósýdiń negizgi draıveri bolyp qaldy. Bul týraly Úkimet otyrysynda QR Indýstrııa jáne ınfraqurylymdq damý mınıstri Beıbit Atamqulov aıtty, dep habarlaıdy QazAqparat tilshisi.

«Qalyptasqan jaǵdaıǵa qaramastan, qurylys salasy ekonomıkalyq ósýdiń negizgi draıveri bolyp qaldy. Qurylys salasynda naqty kólem ındeksi 2020 jyldyń qorytyndysynda 111,2 paıyz boldy. 16 óńirde oń dınamıka baıqalady», - dedi ol.

Mınıstr turǵyn úı qurylysynda 2020 jyldyń qorytyndysynda 15 mln 336 myń sharshy metr baspana paıdalanýǵa berilgenin aıtty.

«Bul – ótken jylymen salystyrǵanda 116,8 paıyz. Respýblıka boıynsha barlyǵy 140 myńnan astam baspana paıdalanýǵa berildi. Onyń ishinde 41 193 jeke turǵyn úı bar. Kórsetkish 15 óńirde artty. Óńdeýshi ónerkásiptiń negizgi sektorlary, onyń ishinde otandyq qurylys materıaldary óndirisiniń ósimi arqasynda ekonomıkanyń ózindik jetkiliktiligin arttyrýǵa jáne barlyq aralas salalarda oń nátıjege qol jetkizdik», - dedi Beıbit Atamqulov.