Qazaqstanda búırek tranplantatsııasy Reseımen salystyrǵanda 24 myń dollarǵa arzan
ASTANA. QazAqparat - 2011-2014 jyldary Astanadaǵy Ulttyq medıtsınalyq holdıng klınıkalary men ulttyq ǵylymı medıtsınalyq ortalyqta álemniń 30-dan astam elinen 4799 azamaty emdeldi. Nátıjesinde, Astana Ortalyq Azııadaǵy medıtsınalyq týrızmniń jetekshi ortalyǵynyń birine aınaldy, dep jazady «Astana aqshamy» gazeti.
Elordalyq basylymnyń habarlaýynsha, UMH-ǵa enshiles uıymdardyń joǵary mamandandyrylǵan medı¬tsınalyq kómegine kóbinese Reseı, AQSh, Japonııa, Italııa, Ulybrıtanııa, Túrkııa, Bolgarııa, Shrı-Lanka, Fılıppın, Qyrǵyzstan jáne odan ózge elderdiń azamattary júgingen.
Sebebi, ózge elderge qaraǵanda, Qazaqstanda jasalatyn otalardyń quny áldeqaıda tómen.
Densaýlyq saqtaý jáne áleýmettik damý mınıstrligi baspa¬sóz qyzmetiniń málimetinshe, súıek¬tiń kemik maıyn transplanttaý Qazaqstanda - 51 myń, al Reseıde - 90 myń dollar. Baýyr trans¬plan-tatsııasynyń baǵasy elimizde - 20 myń bolsa, Túrkııada - 108 myń dollar. Búırek tranplantatsııasy da Reseımen salystyrǵanda, 24 myń dollarǵa arzan, ıaǵnı - 16 myń dollardy quraıdy.
Atap aıtqanda, omyrtqa dıski jaryǵyn mıkrohırýrgııalyq jolmen alyp tastaý, ekstrakorporaldi uryqtandyrý, júrektegi qan joly tetigine kardıohırýrgııalyq ota jasaý, jatyr arterııasyn embolı¬zatsııalaý sııaqty qyzmetterge su¬ranys joǵary. Al, Ulttyq ǵylymı medıtsınalyq ortalyqqa shetel¬dikter jasýsha tehnologııa¬laryn paıdalana otyryp, ishki organdar jetispeýshiligin morfo-fýnktsıonaldy túzetý maqsatynda keledi eken.
