Qazaqstanda burqasyndatyp, qar jaýýy údeı túsedi
ASTANA. QazAqparat - 25 jeltoqsannan bastap Qazaqstannyń barlyq aýmaǵynda derlik atmosferalyq aǵyndardyń ótýimen aýa raıynyń turaqsyz sıpaty saqtalady, respýblıkanyń soltústik-batysynda túnde keı jerlerde kúshti jaýyn-shashyn bolyp, sońy qarǵa aınalady, tuman túsedi, kóktaıǵaq bolady, burqasyn kóteriledi. Bul týraly «Qazgıdromet» RMK habarlady.
Almaty oblysynda keı jerlerde tuman túsedi, kóktaıǵaq bolady, jeldiń kúshi 15-20 m/s-qa jetedi, Jalańashkól aýdanynda jeldiń uıtqýy 25 m/s-qa deıin kúsheıedi. Batys Qazaqstan, Qostanaı, Soltústik Qazaqstan, Aqmola oblystarynda keı jerlerde tuman túsip, kóktaıǵaq, burqasyn bolýy kútiledi, jeldiń kúsheıýi 15-20 m/s-qa, Aqmola oblysynda uıytqýy 25 m/s-qa deıin kúsheıedi.
Aqtóbe, Atyraý, Shyǵys Qazaqstan oblystarynda keı jerlerde jel 17-22 m/s-qa deıin kúsheıip, burqasyndatady, kóktaıǵaq bolady.
Mańǵystaý, Qyzylorda, Qaraǵandy, Jambyl oblystarynda keı jerlerde jeldiń ekpini 15-20 m/s-qa jetedi, tuman túsedi, kóktaıǵaq bolady.
Ońtústik Qazaqstan oblysynda keı jerlerde tuman túsedi, jel 15-20 m/s-qa deıin kúsheıedi.
Pavlodar oblysynda keı jerlerde jel 15-20 m/s-qa deıin kúsheıedi, kóktaıǵaq bolady.
Sonymen qatar, taıaýdaǵy táýlikterde respýblıkanyń ońtústik-shyǵysy men shyǵysyndaǵy ózenderde sý deńgeıi qubylady. Respýblıkanyń ońtústigindegi alasa taýly ózenderde jaýyn-shashynnyń mol túsýinen sý deńgeıi kóteriledi. Qazaqstannyń batys, soltústik jáne ortalyq oblystaryndaǵy sý nysandarynda qysqy rejım saqtalady.
