Qazaqstanda buqtyrylǵan et jáne balyq baǵasy qansha turady
Kazinform qazaqstandyqtar eń kóp tutynatyn buqtyrylǵan sıyr eti men shprot baǵasyn salystyryp kórdi.
Buqtyrylǵan et Qazaqstanǵa kóbine Reseı, Qyrǵyzstan men Ózbekstannan, al balyq Reseı, Belarýs, Qytaı men Latvııadan ákelinedi.
Shprottar
Óńirlerde shprot baǵasy orta eseppen alǵanda 600 teńge turady. Bul salmaǵy 160 gramm bolatyn shprot. Al shyny ydystaǵy salmaǵy 240 gramm bolatyn taýar baǵasy 1000 teńgeden bastalyp 1800 teńgege deıin jetedi.
Shprottyń eń arzany Qyzylorda qalasynda. Munda 160 gr shprot baǵasy 550 teńge turady. Al ekinshi orynda Qostanaı qalasy tur. Munda baǵa 580 teńgeden bastalady.
Al Aqtóbe, Kókshetaý, Qaraǵandy, Jezqazǵan, Óskemen, Semeı men Shymkentte, Petropavl, Pavlodar jáne Túrkistanda shprot baǵasy shamamen 600-700 teńge turady.
Aqtaý, Atyraý, Taldyqorǵan, Taraz ben Oralda baǵa sál qymbattaý. Munda shprot 700-800 teńgeden satylyp jatyr.
Shprottyń eń qymbaty Astana men Almatyda. Munda baǵa 930-950 teńge aralyǵynda.
Buqtyrylǵan sıyr eti
Qazaqstanda salmaǵy 350 gr bolatyn buqtyrylǵan sıyr etiniń baǵasy shamamen 1100 teńge turady.
Aqtóbe, Kókshetaý, Petropavl men Pavlodarda baǵa tómen. Bul aımaqtarda buqtyrylǵan et 500-800 teńge turady.
Al baǵasy 800-den bastalyp, 1000 teńgege jetetin buqtyrylǵan sıyr etin Qyzylorda, Qostanaı, Qaraǵandy, Jezqazǵan, Taldyqorǵan, Shymkent, Taraz, Túrkistan, Almaty men Oraldan satyp alýǵa bolady.
Astana, Aqtaý, Atyraý, Kókshetaý, Qyzylorda, Petropavl men Pavlodarda buqtyrylǵan et 1000-2000 teńge turady.
Semeı men Óskemende buqtyrylǵan et 2200 teńgeden satylyp jatyr.
Aıta keteıik, buǵan deıin Qazaqstan qalalarynda qoı baǵasy qansha turatynyn anyqtap bildik.