Qazaqstanda býkmekerlik keńseler tek sporttyq oıyndarǵa ǵana stavkalar qabyldaýǵa mindetteledi
Bul týraly Parlament Májilisiniń jalpy otyrysynda tıisti zań jobasyn talqylaý kezinde Mədenıet jəne sport mınıstri Aqtoty Raıymqulova málim etti, dep habarlaıdy QazAqparat tilshisi.
Bás tigýge qatysýshylardyń derekter qory jalpyǵa birdeı deklaratsııalaýdy engizýge, bás tigýge qatysatyn klıentti shekteý jáne klıenttiń ózin-ózi shekteý rásimin engizýge yqpal etetin bolady, sondaı-aq qylmystyq jolmen alynǵan kiristerdi jylystatýǵa jáne terrorızmdi qarjylandyrýǵa qarsy kúres jónindegi sharalardy kúsheıtedi», - dedi A. Raıymqulova.
Sonymen qatar ol tek sporttyq oqıǵalarǵa stavkalar qabyldaý mindetin belgileý usynylǵanyn aıtty.
«Oqıǵanyń nátıjesindegi ashyqtyqty jáne oıynshylardyń quqyqtaryn qamtamasyz etý maqsatynda býkmekerlik keńselerge tek sporttyq oqıǵalarǵa stavkalar qabyldaý mindetin belgileý usynylady», - dedi vedomstvo basshysy.
Aıta keteıik, jekelegen býkmekerlik keńseler vırtýaldy fýtbol, hokkeı, basketbol, tennıs, avtojarys jáne kompıýter kómegimen paıda bolatyn basqa da vırtýaldy oqıǵalarǵa stavkalardy qabyldaıdy.
Budan buryn habarlanǵandaı, býkmekerlik keńselerde bás tigýge qatysýdan shekteý tetigin iske asyrý úshin stavkalardy esepke alý ortalyǵyn qurý josparlanyp otyr.
