Qazaqstanda Búkilálemdik boks qaýymdastyǵynyń shtab- páteri ashylady
Astanada ótken WBA Prezıdenti Jılberto Mendoza men uıym ókilderi jáne Beıbit Shúmenov qatysqan baspasóz máslıhatynda Qazaqstanda kásibı boksty damytý máseleleri qozǵaldy.
Jılberto Mendoza Qazaqstanda bokstyń alǵa qoıylǵanyn jáne qazaqstandyq boksshylardyń álemdik turǵyda joǵary nátıje kórsetkishi baryn aıta kele kásibı boksty odan ári damytý maqsatynda Qazaqstanda Búkilálemdik boks assotsıatsııasynyń shtab-páteri ashylatynyn sóz etti.
«Astanada ótken dırektorlar keńesiniń otyrysy nátıjesinde WBA-nyń Qazaqstanda aımaqtyq shtab páterin ashýdy sheshtik. Bul týraly Astana qalasynyń ákimi Á.Isekeshev myrzamen de kezdesip, ekijaqty talqyladyq. Qazaqstannyń bokstan áleýeti joǵary, budan bólek álemdik deńgeıge shyqpaı júrgen qanshama talanttar bar. Shtab páter máselesine kelsek qazir kelisimder jasalý ústinde, barlyǵy oıdaǵydaı bolsa ústimizdegi jyldyń aıaǵy nemese 2019 jyldyń basynda ashamyz», -dedi WBA Prezıdenti.
Odan bólek shtab-páterge aımaqtyq tıtýl beriledi. ıAǵnı, Qazaqstandaǵy shtab-páter birneshe memlekettiń boksshylarynyń basyn quraıtyn ortalyq bolady.
«Qazaqstanda álemdik uıymnyń ókildigin ashý máselesin biraz kelisip, talqyladyq. WBA-nyń shtab páteri ashylsa biz úshin tarıhı oqıǵa, sebebi búkilálemdik bokstyń ortasynda bolamyz. Bul uıymnyń atynan Muhammed Álı, Maık Taıson, Roı Djons, Floıd Meıvezer sekildi boks ańyzdary shyqqan. Al biz úshin eń bastysy elimizden jańa talanttardyń shyǵýyna septigin tıgizedi», - dedi Beıbit Shúmenov.
Sonymen qatar uıymdastyrýshylar aımaqtyq shtab-páter quramynda Qazaqstannan basqa qandaı memleketter bolatyny anyqtalý ústinde ekenin eskertti.
Odan bólek, búkilálemdik boks assotsıatsııasynyń shtab páteri ashylǵanda álemdik deńgeıdegi boks básekeleriniń Qazaqstandada ótetindigin jáne sol sharalardy HBO, NBC, Showtime telekompanııalarynyń Qazaqstanǵa kelip translıatsııa jasaıtynyn aıtty.