Qazaqstanda Búkilálemdik azyq-túlik jáne aýylsharýashylyq uıymynyń keńsesi ashylady
ASTANA. QazAqparat - Qazaqstanda BUU Búkilálemdik azyq-túlik jáne aýylsharýashylyq uıymynyń keńsesi ashylady. Bul týraly búgin VII Astana ekonomıkalyq forýmynda uıymnyń Shyǵys Eýropa jáne Ortalyq Azııa elderindegi aımaqtyq dırektory Vladımır Rahmanın málim etti.
Onyń sózine qaraǵanda, Qazaqstan mańyzdy aýylsharýashylyq derjavasy bolyp tabylady. Vladımır Rahmanın Qazaqstannyń 2017-2018 jyldary BUU Qaýipsizdik keńesine ýaqytsha múshelik etý quqyǵy aıasynda azyq-túlik qaýipsizdigi máselesin birinshi orynda usynýdy josparlap otyrǵany zańdylyq ekenin de atap ótti. "Búkilálemdik azyq-túlik jáne aýylsharýashylyq uıymy Qazaqstan úkimetimen tyǵyz qarym-qatynas ornatqan. Biz áriptestiktiń deńgeıine qanaǵattanyp otyrmyz jáne bul baılanystardy odan joǵary satyǵa, joǵary deńgeıine kóterýge bolady. Qazir sońǵy qadam retinde Qazaqstanda uıymnyń keńsesin ashý máselesi talqylanýda", - dedi ol.
