Qazaqstanda buqaralyq sportpen qamtylǵan azamattardyń deńgeıi 21,6 paıyzdy quraıdy - Úkimet otyrysy
ASTANA. 9 shilde. QazAqparat - Qazaqstanda buqaralyq sportpen qamtylǵan azamattardyń deńgeıi 21,6 paıyzdy quraıdy.
Bul týraly búgin Úkimet otyrysynda QR Sport jáne dene shynyqtyrý isteri agenttiginiń tóraǵasy Erlan Qojaǵapanov málim etti.
Elimizde buqaralyq sportty damytý máselesine toqtalǵan ol: «Ótkiziletin buqaralyq sporttyq sharalar jyl saıyn artyp keledi. Óńirlerde bul baǵyttaǵy jumystarǵa jaǵdaı jasaýǵa keńinen nazar aýdarylýda. Máselen, 2011 jyly 17 myńǵa jýyq sporttyq buqaralyq sharalar uıymdastyrylsa, 2012 jyly 3 mln. 600 myńnan astam adamnyń qatysýymen 18 myńnan astam shara ótti. Qazaqstanda dene tárbıesimen jáne sportpen aınalysatyn azamattardyń qamtylýy 21,6 paıyzdy qurady»,-dedi agenttik basshysy.
