Qazaqstanda buqalardy eksporttaýǵa taǵy alty aıǵa tyıym salyndy
ASTANA. KAZINFORM — Qazaqstanda iri qaranyń erkek tólin shetelge shyǵarýǵa qoıylǵan tyıym taǵy alty aıǵa uzartyldy. Shekteý Eýrazııalyq ekonomıkalyq odaqqa múshe elderge de qatysty.
Tıisti buıryqqa Aýyl sharýashylyǵy mınıstri 2026 jylǵy 5 qarashada qol qoıdy. Qujatqa sáıkes, aldaǵy alty aıda iri qaranyń erkek tólin elden áketýge ruqsat berilmeıdi. Buıryqtyń oryndalýyn qamtamasyz etý Veterınarııalyq baqylaý jáne qadaǵalaý komıtetine júkteldi.
Aıta keteıik, Qazaqstanda mundaı shekteý alǵash ret engizilip otyrǵan joq. Buqalardy shetelge shyǵarýǵa 2025 jylǵy shildede tyıym salynyp, sodan beri onyń merzimi birneshe ret uzartylǵan. Aýyl sharýashylyǵy mınıstrligi buǵan deıin mundaı sheshim eldiń azyq-túlik qaýipsizdigin qamtamasyz etý jáne otandyq et óńdeý kásiporyndaryn shıkizatpen qamtý maqsatynda qabyldanǵanyn túsindirgen.
Jańa buıryq 2026 jylǵy 9 qarashadan bastap kúshine endi.
Aıta keteıik, buǵan deıin Qazaqstannan iri qara men usaq maldyń analyq basyn eksporttaýǵa alty aıǵa tyıym salynǵany habarlandy.
