Qazaqstanda buqa eksportyna ýaqytsha tyıym salyndy

ASTANA. KAZINFORM — Kesheden bastap el aýmaǵynan buqany syrtqa satýǵa tyıym jarııalandy. 

2025 jylǵy 14 mamyrda Aýyl sharýashylyǵy mınıstrligi men Qarjy mınıstrliginiń birlesken buıryǵy qol qoıylyp, aýyl sharýashylyǵy janýarlaryn eksporttaýǵa qatysty 2025 jylǵy 7 sáýirdegi birlesken buıryqqa tolyqtyrýlar engizildi.

Atap aıtqanda, Qazaqstan Respýblıkasynyń aýmaǵynan iri qara maldyń buqasyn eksporttaýǵa úsh aı merzimge tyıym salyndy.

Jańa buıryq 2025 jylǵy 15 mamyrda kúshine endi. 

Sáýirdiń basynda Qazaqstannan iri qara men usaq maldy eksporttaýǵa ýaqytsha tyıym salynǵan edi.

Aıta keteıik, ýaqytsha tyıym jappaı eksportqa jol bermeý jáne aýylsharýashylyq janýarlarynyń sanynyń turaqty ósýin qamtamasyz etý maqsatynda engizilgen.