Qazaqstanda býhgalterlik baǵdarlama men Playstation oıyndary jıi qoldan jasalady
ASTANA. QazAqparat - Qazaqstanda býhgalterlik «1S: kásiporyn» kompıýterlik baǵdarlamasy men Playstation oıyndary jıi qoldan jasalady. Bul týraly búgin QR Qarjy mınıstrliginiń Memlekettik kirister komıteti jedel izdestirý qyzmeti departamentiniń sarapshy-sardary Elmıra Qalyǵulova aıtty, dep habarlaıdy QazAqparat.
Onyń dereginshe, ótken jyly ekonomıkalyq tergeýler qyzmetiniń aımaqtyq bólimsheleri avtorlyq jáne aralas quqyq salasynda 179 qylmystyq isti jáne 39 taýar belgisiniń buzylýy faktisin tirkegen.
«Basym bóligin Sony Playstation prıstavkasyna arnalǵan kontrafaktilik baǵdarlamalar men «1S: kásiporyn» júıeni baǵdarlamalyq qamtamasyz etý boıynsha DVD-dıskilrin satýmen baılanysty quqyqbuzýshylyqtar quraıdy», - dedi ol.
Elmıra Qalyǵulovanyń aıtýynsha, kontrafaktilik dıskiler daıyndaýmen aınalysatyn 9 jasyryn tseh jumysy áshekere bolǵan.
«Taýar belgilerin zańsyz paıdalaný boıynsha ótken jyly 39 sotqa deıingi óndiris tirkeldi. Olardyń basym bóligi jetkizýshi-quqyq ıelenýshiniń shaǵymy boıynsha, al 19 qylmystyq is jedel izdestirý sharalary nátıjesinde tirkeýge alyndy», - dedi sarapshy-sardar.
