Qazaqstanda budan bylaı AI-80 benzıni satylmaıtyn boldy
ASTANA. QazAqparat - Qazirgi tańda Qazaqtandaǵy munaı óńdeý zaýyttarynda AI-80 markaly benzındi óndirý toqtatyldy. Bul týraly Energetıka mınıstrliginde ótken baspasóz máslıhatynda munaı ónerkásibin damytý departamentiniń dırektory Qýanysh Qudaıbergenov málim etti, dep habarlaıdy «QazAqparat» HAA tilshisi.
«Munaı zaýyttary jańǵyrtýdan ótkennen keıin motor maılarynyń sapasy K-4 jáne K-5 standarttary negizinde óndiriledi. Ókinishke qaraı, AI-80 markaly benzın bul josparǵa kirmeıdi. Qazirgi tańda AI-80 markaly benzınniń óndirisi toqtatyldy. Alaıda ol benzınniń belgili bir bóligi ǵana Qorǵanys mınıstrliginiń tapsyrysy boıynsha óndirilip jatyr», - deıdi Qýanysh Qudaıbergenov.
Onyń aıtýynsha, adaǵy ýaqytta janar-jaǵarmaı quıý stantsııalarynda AI-80 markaly benzın bolmaıdy.
«Qazirgi tańda biz AI-80 markaly benzınniń bólshek saýdadaǵy baǵasyn memlekettik retteýden alyp tastaý mehanızmin qarastyryp jatyrmyz. Endi atalǵan benzınniń baǵasyn naryq retteıtin bolady. Aldaǵy ýaqytta atalǵan janarmaıdyń belgili bir bóligi syrttan eksporttalýy múmkin», - deıdi Qýanysh Qudaıbergenov.
