Qazaqstanda birqatar óńirinde qar jaýyp, boran soǵyp, úsik júredi
ASTANA. KAZINFORM — 24 qazanda Qazaqstannyń 16 oblysynda daýyldy eskertý jarııalandy. Almaty men Shymkentte úsik júrip, qatty jel soǵady dep kútilýde. Birqatar óńirde qar jaýyp, kóktaıǵaq, tuman, boran jáne shańdy daýyl bolady dep boljanyp otyr.
Almaty. 24 qazanǵa qaraǵan túni 2–4 gradýsqa deıin úsik júredi.
Abaı oblysy. Túnde oblystyń batysynda, soltústiginde jáne ortalyǵynda qar jaýyp, jaıaý burqasyn soǵyp, kóktaıǵaq bolady. Kúndiz óńirdiń soltústiginde, shyǵysynda jáne ortalyǵynda azdaǵan qar jaýyp, jaıaý burqasyn soǵyp, kóktaıǵaq bolady dep boljanyp otyr. Túnde jáne tańerteń oblystyń ońtústiginde tuman túsedi. Shyǵysy men ońtústik-batysynda soltústik-batystan soǵatyn jeldiń ekpini sekýndyna 15–20 metrge jetedi.
Aqmola oblysy. Túnde oblystyń shyǵysynda azdaǵan qar jaýyp, kóktaıǵaq bolady. Túnde jáne tańerteń batysy men ońtústiginde tuman túsedi dep boljanýda.
Almaty oblysy. Shyǵysynda jáne taýly aýdandarda soltústik-shyǵystan soǵatyn jeldiń ekpini sekýndyna 18–23 metrge jetedi. Túnde oblys boıynsha 1–6 gradýs úsik júredi. Oblystyń batysynda, shyǵysynda jáne ortalyǵynda órt shyǵý qaýpi joǵary deńgeıde saqtalady.
Atyraý oblysy. Kúndiz oblystyń ońtústik-batysynda shyǵystan jáne ońtústik-shyǵystan soǵatyn jeldiń ekpini sekýndyna 15–20 metrge jetedi. Oblys boıynsha órt shyǵý qaýpi tótenshe deńgeıde saqtalady.
Shyǵys Qazaqstan oblysy. Soltústiginde, shyǵysynda jáne taýly aýdandarda qar jaýyp, jaıaý burqasyn soǵyp, kóktaıǵaq bolady. Oblystyń soltústiginde tuman túsedi. Ońtústiginde soltústik-batystan soǵatyn jeldiń ekpini sekýndyna 15–18 metrge jetedi.
Jambyl oblysy. Taýly aýdandarda tuman túsedi. Oblystyń ońtústik-batysynda, soltústik-shyǵysynda jáne taýly aýdandarda soltústik-shyǵystan soǵatyn jeldiń jyldamdyǵy sekýndyna 15–20 metrge jetip, ekpini 23–28 metrge deıin kúsheıedi. Túnde oblys boıynsha 1–6 gradýs úsik júredi. Soltústigi men ońtústiginde órt shyǵý qaýpi joǵary deńgeıde saqtalady.
Jetisý oblysy. Shyǵysynda jáne taýly aýdandarda soltústik-shyǵystan soǵatyn jeldiń ekpini sekýndyna 15–20 metrge jetedi. Alakól kólderi aýdanynda jeldiń ekpini keı ýaqytta sekýndyna 23–28 metrge deıin kúsheıedi. Túnde 2–7 gradýs úsik júredi. Oblystyń shyǵysynda órt shyǵý qaýpi tótenshe, ońtústiginde joǵary deńgeıde saqtalady.
Batys Qazaqstan oblysy. Kúndiz oblystyń batysy men ońtústiginde shyǵystan soǵatyn jeldiń ekpini sekýndyna 15–20 metrge jetedi. Soltústik-batysynda, batysynda, ońtústiginde jáne shyǵysynda órt shyǵý qaýpi joǵary deńgeıde saqtalady.
Qaraǵandy oblysy. Túnde oblystyń soltústiginde azdaǵan qar, shyǵysynda qar jaýady. Túnde jáne tańerteń soltústigi men shyǵysynda tuman túsip, kóktaıǵaq bolady. Oblystyń batysynda órt shyǵý qaýpi tótenshe deńgeıde saqtalady.
Qostanaı oblysy. Túnde jáne tańerteń oblystyń batysynda, soltústiginde jáne shyǵysynda tuman túsedi. Ońtústiginde órt shyǵý qaýpi joǵary deńgeıde saqtalady.
Qyzylorda oblysy. Kúndiz oblystyń soltústiginde, shyǵysynda jáne ortalyǵynda shańdy daýyl bolady. Túnde shyǵysynda soltústik-shyǵystan soǵatyn jeldiń ekpini sekýndyna 15–20 metrge jetedi. Kúndiz de jeldiń jyldamdyǵy sekýndyna 15–20 metr bolady, al shyǵysynda ekpini 23–28 metrge deıin kúsheıýi múmkin. Túnde oblystyń soltústigi men ortalyǵynda 3 gradýsqa deıin úsik júredi. Oblys boıynsha órt shyǵý qaýpi tótenshe, soltústiginde joǵary deńgeıde saqtalady.
Mańǵystaý oblysy. Kúndiz oblystyń soltústiginde shańdy daýyl bolady. Batysynda, soltústiginde jáne ortalyǵynda shyǵystan soǵatyn jeldiń ekpini sekýndyna 15–20 metrge jetedi. Oblys boıynsha órt shyǵý qaýpi joǵary, al ortalyǵynda tótenshe deńgeıde saqtalady.
Pavlodar oblysy. Túnde oblystyń ońtústigi men shyǵysynda azdaǵan qar jaýyp, kóktaıǵaq bolady. Túnde jáne tańerteń batysynda, soltústiginde jáne shyǵysynda tuman túsedi.
Soltústik Qazaqstan oblysy. Túnde jáne tańerteń oblystyń batysynda, soltústiginde jáne ońtústiginde tuman túsedi. Kúndiz batysynda, soltústiginde jáne ońtústiginde ońtústik-batystan soǵatyn jeldiń ekpini sekýndyna 15–20 metrge jetedi.
Túrkistan oblysy. 24 jáne 25 qazanda kúndiz oblystyń soltústiginde shańdy daýyl bolady. Batysynda, soltústiginde, taýly jáne taý bókterindegi aýdandarda soltústik-shyǵystan soǵatyn jeldiń jyldamdyǵy sekýndyna 15–20 metrge jetip, ekpini 23–28 metrge deıin kúsheıedi. Túnde soltústiginde 3 gradýsqa deıin úsik júredi. Soltústiginde, batysynda, ortalyǵynda jáne taý bókterindegi aýdandarda órt shyǵý qaýpi joǵary deńgeıde saqtalady.
Ulytaý oblysy. Túnde jáne tańerteń oblystyń batysynda, soltústiginde jáne shyǵysynda tuman túsedi. Kúndiz ońtústiginde soltústik-shyǵystan soǵatyn jeldiń ekpini sekýndyna 15 metrge jetedi. Batysy men ortalyǵynda órt shyǵý qaýpi tótenshe deńgeıde saqtalady.
Shymkent. 24–25 qazanda soltústik-shyǵystan soǵatyn jeldiń ekpini sekýndyna 15–20 metrge jetedi. Túnde topyraq betinde 2 gradýsqa deıin úsik júredi dep boljanýda.
