Qazaqstanda brakonerlerdi túrmege jabý qajettiligi nege týyndap otyr
«Saraptama jumystary brakonerlerge kelgende jazany taǵaıyndaýdy qaıta qaraý kerektigin kórsetip otyr. Osy sebepti, biz Qylmystyq kodekste brakonerlerge shartty jazany alyp tastap, bas bostandyǵynan aıyrý jazasyn kesýdi usynyp otyrmyz. Sonymen birge, brakonerlik kezinde tárkilengen qural-jabdyqtardy memlekettik organdardyń balansyna berý kerek, nemese olardy joıý kerek. Zamanaýı drondar men spýtnıktik qurylǵylardy brakonerlerdiń qylmysyn ashý úshin qoldanǵan abzal», - deıdi Qaırat Ústemirov.
Onyń aıtýynsha, ustalǵan brakonerler sotta ary ketkende shartty túrde jaza alyp nemese aıyppul tólep qutylady.
«Olardan tárkilengen kólikter nemese tehnıkalar ıelerine qaıtarylyp jatady. Bolmasa aýktsıon arqyly arzan baǵaǵa satylady. Biraq, sol tárkilengen jabdyqtaryn brakonerlerdiń ózi qaıta satyp alady. Aınalyp kelgende eshqandaı nátıje joq. Sondyqtan, brakonerlikti kúsheıtýdi usynyp otyrmyz», - deıdi ol.
Komıtettiń keltirgen aqparatyna sáıkes, Qazaqstanda ustalǵan brakonerlerge qatysty qozǵalǵan isterdiń 25 paıyzy ǵana sotqa jetedi. Sonyń ózinde atalǵan isterdiń 30 paıyzy ǵana shartty jazaǵa tartylady. Halyqaralyq tájirıbege súıensek, máselen kórshi Reseıde ákimshilik jaza Qazaqstannan góri 2-3 ese qatań.
Eske sala ketsek , Úkimettiń selektorlyq rejimdegi otyrysynda QR Aýyl sharýashylyǵy vıtse-mınıstri Erlan Nysanbaev QR Qylmystyq kodeksinde brakonerlik úshin bas bostandyǵynan aıyrýdyń naqty merzimderi ǵana qarastyrylýy tıis ekenin túsindirgen bolatyn.