Qazaqstanda bir táýlikte úsh orman órti tirkeldi

Órttiń bireýi Batys Qazaqstan oblysynda, taǵy ekeýi Ulytaý jáne Kókshetaý memlekettik ulttyq tabıǵı parkteriniń aýmaǵynda bolǵan.

Batys Qazaqstan oblysyndaǵy órt oshaǵyn «Qazavıaormanqorǵaý» respýblıkalyq memlekettik qazynalyq kásipornynyń áýe patrýldeý toby anyqtaǵan. Órt týraly aqparat túsken boıda orman mekemeleriniń kúshteri men qajetti tehnıkasy oqıǵa ornyna jedel jiberildi.

Órtti sóndirýge «Qazavıaormanqorǵaý» kásipornynyń áýe órt sóndirý desantshylary, sondaı-aq memlekettik orman kúzetiniń qyzmetkerleri jumyldyryldy. Nátıjesinde úsh órt te az ýaqyt ishinde tolyq sóndirildi.

Qazirgi tańda el aýmaǵynda aptap ystyq pen naızaǵaıǵa baılanysty órt qaýpi joǵary bolyp otyr.

Osyǵan baılanysty memlekettik orman kúzeti men «Qazavıaormanqorǵaý» kúshteri kúsheıtilgen rejımge kóshti. Orman alqaptarynda áýe jáne jerústi patrýldeý jumystary úzdiksiz júrgizilip jatyr.