Qazaqstanda bir táýlikte eki orman órti tirkeldi
ASTANA. KAZINFORM — 2026 jyly 22 tamyzda respýblıka boıynsha 2 orman órtendi, dep habarlaıdy Ekologııa jáne tabıǵı resýrstar mınıstrliginiń baspasóz qyzmeti.
Óńirler boıynsha:
- Aqtóbe oblysy — 1 órt;
- Burabaı MUTP — 1 órt.
Orman alqaptaryndaǵy jaǵdaıdy baqylaý áýeden jáne jerden turaqty júrgizilip keledi. Monıtorıng barysynda anyqtalǵan órt oshaqtaryna tıisti qyzmetter dereý baǵyttalyp, olardy joıýǵa qajetti adam kúshi men arnaıy tehnıka tartyldy.
Qazirgi tańda órt oryndarynda orman sharýashylyǵy mamandary men RMQK «Qazavıaormanqorǵaý» qyzmetkerleri jumys atqaryp jatyr. Jaýyngerlik toptardyń basty mindeti — órtti belgilengen shekte ustap, onyń jańa ýchaskelerge ótýine jol bermeý. Qyzmetkerler jalyndy basý, aýmaqty tolyq qaýipsizdendirý jáne qaıta tutaný yqtımaldyǵyn tekserý sharalaryn kezeń-kezeńimen júzege asyryp jatyr.
— Osyǵan baılanysty turǵyndar men tabıǵat aıasynda demalýshylardan erekshe jaýapkershilik tanytýdy suraımyz. Orman jáne dala aýmaqtarynda ot jaǵý kezinde qaýipsizdik erejelerin saqtap, janý qaýpi bar zattardy paıdalanýda barynsha muqııat bolyńyzdar. Tabıǵı aýmaqta otty qaraýsyz qaldyrmaý jáne órtke sebep bolýy múmkin kez kelgen áreketke jol bermeý mańyzdy, — delingen habarlamada.
Budan buryn «Ertis ormanynda» órt shyqqanyn jazǵanbyz.
