Qazaqstanda bir táýlikte eki orman órti tirkeldi
ASTANA. KAZINFORM — 3 qyrkúıekte Qazaqstannyń memlekettik orman qory aýmaǵynda eki orman órti anyqtaldy. Tótenshe jaǵdaılardyń biri Pavlodar oblysynda, ekinshisi Batys Qazaqstan oblysynda bolǵan.
Ekologııa jáne tabıǵı resýrstar mınıstrligi baspasóz qyzmetiniń málimetinshe, órtti sóndirýge orman sharýashylyǵy mekemeleriniń kúshteri men quraldary jumyldyryldy.
— Jedel qabyldanǵan sharalardyń nátıjesinde eki órt te qysqa ýaqyt ishinde oqshaýlanyp, tolyq sóndirildi, — deıdi mamandar.
Mamandar órt qaýpi joǵary kezeńde tabıǵat aıasynda demalatyn azamattardy qaýipsizdik talaptaryn qatań saqtaýǵa shaqyrady.
Tabıǵatta ot jaqqan jaǵdaıda ony qaraýsyz qaldyrmaı, demalys aıaqtalǵan soń tolyq sóndirý qajet. Sondaı-aq sóndirilmegen temeki tuqylyn jáne sirińkeni qurǵaq shóp pen orman aýmaǵyna tastaýǵa bolmaıdy.
Osyǵan deıin jyl basynan elordada 500-den astam órt tirkelgeni belgili boldy.
