Qazaqstanda bir kúnge radıo men teledıdar óshedi

Qazaqstanda josparly jóndeý jumystaryna baılanysty bir táýlikke radıo men teledıdar óshedi, dep habarlaıdy Kazinform «Qazteleradıo» AQ-ǵa silteme jasap.

Qazteleradıo habar taratýdyń toqtatylatynyn eskertti. Aldyn alý jumystaryn júrgizýge baılanysty 8 qarashada Astana ýaqyty boıynsha saǵat 3:00-den 17:00-ge deıin teleradıo habarlaryn taratý óshiriledi.

«Teleradıo habarlaryn úzdiksiz jáne sapaly taratýdy qamtamasyz etý úshin spýtnıktik, tsıfrlyq jáne analogtyq jerústi jelileriniń tehnıkalyq quraldaryndaǵy qyzmetterdi toqtata otyryp, toqsan saıyn josparly aǵymdaǵy jóndeý jumystary júrgiziledi», - dep túsindirdi ulttyq operator.