Qazaqstanda bir kúnde 4 orman órti tirkeldi
ASTANA. KAZINFORM – 9 shilde kúni Qazaqstannyń memlekettik orman qory aýmaǵynda 4 orman órti tirkeldi, dep habarlaıdy Kazinform.
Órt jaǵdaılary Pavlodar oblysynda, Naýryzym qoryǵynda, «Baıanaýyl» memlekettik ulttyq tabıǵı parkinde jáne «Semeı ormany» memlekettik orman tabıǵı rezervatynda bolǵan.
Órt oshaqtary «Qazavıaormanqorǵaý» RMQK áýe patrýldeýi, erte anyqtaý júıeleri jáne memlekettik orman kúzetiniń baqylaýy barysynda der kezinde anyqtaldy.
– Jedel áreket etý nátıjesinde órt oshaqtary qysqa ýaqyt ishinde tolyq sóndirildi. Órtti sóndirý jumystaryna memlekettik orman kúzetiniń qyzmetkerleri, «Qazavıaormanqorǵaý» RMQK áýe órt sóndirý desanttary, tikushaqtary jáne arnaıy tehnıka jumyldyryldy, – delingen habarlamada.
Mamandar órt qaýpi joǵary kezeńde azamattardy, tabıǵat aıasynda demalýshylardy jáne orman paıdalanýshylardy qaýipsizdik talaptaryn qatań saqtaýǵa shaqyrady.
Aıta keteıik, orman men ulttyq parkterdi órtten qorǵaýǵa 16,9 mlrd teńge baǵyttaldy.
