Qazaqstanda bir gramm altynnyń quny qansha

ASTANA. KAZINFORM — Jeltoqsan aıynyń sońynda Qazaqstanda altyn baǵasy aptalyq eń joǵary deńgeıge jetkennen keıin tómendedi, dep habarlaıdy Kazinform tilshisi.

Qazaqstan Ulttyq bankiniń 2025 jylǵy 31 jeltoqsandaǵy derekterine sáıkes, bir gramm altynnyń baǵasy 70 924,74 teńgeni qurady. Al bir kún buryn, 30 jeltoqsanda, baǵaly metall 72 342,20 teńge bolǵan.

Salystyrý úshin aıta ketsek, 25 jeltoqsanda altynnyń bir grammy 73 615,20 teńgege deıin qymbattaǵan.

Buǵan deıin habarlanǵandaı, jeltoqsan aıynyń sońynda altyn men kúmis tarıhı maksımýmdaryn jańartty: kúmis baǵasy bir ýntsııasy úshin 75 dollardan, al altyn 4531 dollardan asty.

Jyl qorytyndysy boıynsha altynnyń baǵasy shamamen 70 paıyzǵa, al kúmistiń quny 150 paıyzdan astam ósken. Mundaı kúrt jyldyq ósim naryqta 1970-jyldardyń sońynan beri alǵash ret baıqalyp otyr.

Sonymen qatar, kúmis tek daǵdarys kezeńindegi qorǵanysh metall retinde ǵana emes, mańyzdy ónerkásiptik resýrs retinde de qymbattaýp keledi: ol jartylaı ótkizgishter men jasandy ıntellekt damýyna negiz bolyp otyrǵan data-ortalyqtarǵa arnalǵan jabdyqtar óndirisinde keńinen qoldanylady.

Budan buryn túrkistandyq áıel óz úıinen 8,5 mln teńgeniń altynyn qoldy etkenin jazǵanbyz.