Qazaqstanda bir gramm altyn qansha turady
ASTANA. KAZINFORM – Elimizde bir apta ishinde altyn baǵasy tústi.
Qazaqstan Ulttyq bankiniń málimetinshe, 30 shilde tańerteńgi jaǵdaı boıynsha bir gramm altynnyń baǵasy – 61 889,33 teńge.
Bir apta buryn ol 61 925,12 teńge bolǵan, ıaǵnı 35,79 teńgege arzandady.
Dúnıejúzilik altyn keńesiniń derekterine sáıkes, 2026 jyldyń birinshi jartyjyldyǵynda altyn naryǵy qatty qubylyp turdy. Qańtar aıynda altyn qunynyń tarıhı eń joǵary deńgeıi 12 ret jańaryp, bir troıa ýntsııasy úshin 5 405 AQSh dollaryna jetken. Alaıda maýsym aıynda baǵa 4 002 AQSh dollaryna deıin quldyrady.
Uıymnyń málimetinshe, jyldyń ekinshi jartysynda altyn baǵasynyń ózgerýi geosaıası ahýalǵa, paıyzdyq mólsherlemelerge jáne ınvestorlardyń kóńil-kúıine baılanysty bolady.
Naryqta qazirgi jaǵdaı saqtalsa, altyn baǵasy jyl sońyna deıin bir troıa ýntsııasy úshin shamamen 4 100 AQSh dollarynan shamamen 5% joǵary ne tómen deńgeıde saýdalanýy múmkin.
Aıta keteıik, buǵan deıin Shyǵys Qazaqstanda Qytaı azamattary zańsyz altyn óndirisine tartylǵanyn jazǵanbyz.
