Qazaqstanda bir gramm altyn qansha turady
ASTANA.KAZINFORM – Qazaqstanda sońǵy bir aptada altyn arzandady. Ulttyq banktiń 6 tamyzdaǵy deregine sáıkes, bir gramm altynnyń baǵasy 61 444,62 teńge boldy.
Bir apta buryn, 30 shildede, baǵaly metaldyń bir gramy 61 889,33 teńge bolǵan. Osylaısha, bir apta ishinde altynnyń baǵasy 444,71 teńgege arzandaǵan.
Buǵan deıin Qazaqstannyń 2026 jyldyń ekinshi toqsanynyń qorytyndysy boıynsha ortalyq bankter arasynda altyndy eń kóp satyp alǵan bes eldiń qataryna engeni habarlanǵan bolatyn.
World Gold Council derekterine sáıkes, osy kezeńde Qazaqstan Ulttyq banki óziniń altyn qoryn 15 tonnaǵa ulǵaıtqan.
Jalpy alǵanda, sáýir men maýsym aılary aralyǵynda álemniń ortalyq bankteri shamamen 289 tonna altyn satyp alǵan. Bul ótken jyldyń sáıkes kezeńimen salystyrǵanda 62%-ǵa kóp.
Dúnıejúzilik altyn keńesi altynǵa degen suranystyń artýyn geosaıası belgisizdikpen, toqsan ishinde baǵaly metaldyń baǵasynyń tómendeýimen jáne memleketterdiń halyqaralyq rezervterin ártaraptandyrýǵa umtylýymen túsindirdi.
