Qazaqstanda bir gramm altyn qansha turady
ASTANA. KAZINFORM — Bir apta ishinde Qazaqstandaǵy altyn baǵasy ósti.
Qazaqstan Ulttyq bankiniń 2026 jylǵy 7 mamyrdaǵy derekterine sáıkes, bir gramm altynnyń baǵasy 68 086,45 teńgege jetti.
Álemdik naryqta da altyn baǵasy joǵary deńgeıde saqtalyp otyr. Sarapshylar muny AQSh pen Iran arasyndaǵy beıbit kelisimge qatysty jańalyqtardyń kútilýimen baılanystyrady.
Altynnyń spot baǵasy 0,1 paıyzǵa ósip, bir ýntsııasy 4 692,45 dollarǵa jetti. Al aldyńǵy saýda kúninde baǵaly metall quny shamamen 3 paıyzǵa qymbattaǵan.
Sonymen qatar, AQSh-ta maýsym aıynda jetkiziletin altyn fıýchersteriniń baǵasy 0,2 paıyzǵa ósip, bir ýntsııasy 4 701 dollar boldy.
Eske salaıyq, bıyl 16 sáýirde Qazaqstanda bir gramm altynnyń baǵasy 73 133,53 teńge bolǵan edi.
