Qazaqstanda bir gramm altyn qansha turady

ASTANA. KAZINFORM — Qazaqstanda altyn baǵasy sońǵy aptada ósti, dep habarlaıdy Kazinform tilshisi. 

Qazaqstan Ulttyq bankiniń málimetinshe, 16 sáýirdegi jaǵdaı boıynsha Qazaqstanda bir gramm altynnyń baǵasy 73 133,53 teńgeni qurady. 

Bir apta buryn baǵa 69 306,80 teńge bolǵan. Osylaısha, baǵaly metall sońǵy aptada 3 826,73 teńgege qymbattady. 

Aıta ketý kerek, Taıaý Shyǵystaǵy qaqtyǵys bastalǵannan beri altyn baǵasy ózgerip otyrdy. Negizinen, ol ósti. Sarapshylar baǵanyń odan ári ósýin boljap otyr. Qazirgi ýaqytta baǵaly metaldyń bir gramynyń baǵasy shamamen 70 098 teńgeni quraıdy.

Kazinform buǵan deıin eldiń altyn-valıýta qorlarynyń jaǵdaıyn, sondaı-aq altyn óndirýdiń qazirgi jaǵdaıyn taldaǵan bolatyn.

Al Ónerkásip jáne qurylys mınıstri Ersaıyn Naǵaspaev osyǵan deıin elimizde altyn óndirý kólemi tómendegenin málimdegen bolatyn.

Ekonomıkalyq jáne saıası belgisizdik jaǵdaıynda álemdik naryqtarda altynǵa degen qyzyǵýshylyq artyp keledi. Taldaýshylar jaqyn arada baǵaly metall baǵasynyń odan ári ósýin joqqa shyǵarmaıdy.