Qazaqstanda bir aıda 125 sybaılas jemqorlyq deregi tirkeldi
ASTANA. KAZINFORM – Ulttyq qaýipsizdik komıtetiniń sybaılas jemqorlyqqa qarsy is-qımyl qyzmeti maýsym aıynda 125 sybaılas jemqorlyq quqyq buzýshylyqty tirkedi.
Vedomstvo málimetinshe, anyqtalǵan sybaılas jemqorlyq faktileriniń basym bóligi paraqorlyqqa qatysty – 97 jaǵdaı tirkelgen.
Sonymen qatar 9 alaıaqtyq, 8 laýazymdyq ókilettikterdi teris paıdalaný, 7 jymqyrý, 3 qyzmettik jalǵandyq jasaý jáne 1 bılikti asyra paıdalaný deregi anyqtaldy.
Qylmystyq ister boıynsha 67 adam kúdikti dep tanyldy.
UQK málimetinshe, 149 qylmystyq isti tergeý aıaqtalyp, onyń 129-y sotqa joldandy.
– Aıaqtalǵan qylmystyq ister boıynsha anyqtalǵan zalal somasy 4,7 mlrd teńgeni qurady. Onyń ishinde 2,1 mlrd teńge bıýdjetke qaıtaryldy. Sondaı-aq quny 971,4 mln teńge bolatyn múlikke tyıym salyndy.
Osy baǵyttaǵy jumystar jalǵasýda, – dep málimdedi UQK.
Aıta keteıik, Túrkistan oblysynda mekteptiń burynǵy dırektory sybaılas jemqorlyq úshin sottaldy.
