Qazaqstanda bir apta ishinde birqatar azyq-túlik baǵasy tómendedi
ASTANA. KAZINFORM – Ulttyq statıstıka bıýrosy elimizde bir apta ishinde áleýmettik mańyzy bar birqatar azyq-túlik taýarlarynyń baǵasy tómendegenin málim etti.
8 shildedegi jaǵdaı boıynsha esepti aptada Qazaqstanda áleýmettik mańyzy bar birqatar azyq-túlik taýarlary baǵasynyń tómendeýi baıqaldy. Baǵasy eń kóp tómendegen ónim – qııar 6,5% arzandady.
Sonymen qatar qyzanaq (-4,1%), sábiz (-2,1%), súıeksiz sıyr eti men jumyrtqa (árqaısysy 0,6%), súıekti sıyr eti (0,3%), balyq (-0,1%) baǵalary tómendedi. Óńirler bólinisinde eldiń birqatar qalasynda deflıatsııalyq dınamıka baıqaldy.
Bir apta ishinde áleýmettik mańyzy bar azyq-túlik taýarlarynyń jalpy baǵa deńgeıi Qyzylorda men Jezqazǵanda (-0,4%), Petropavl, Óskemen, Qaraǵandy jáne Túrkistan qalalarynda (árqaısysynda -0,2%), Almaty qalasynda (-0,1%) tómendedi.
Astana, Shymkent, Aqtóbe, Atyraý, Qostanaı, Pavlodar, Semeı jáne Taraz qalalarynda baǵalar aldyńǵy apta deńgeıinde saqtaldy.
Aıta keteıik, áleýmettik mańyzy bar azyq-túlik óndirýshiler elektr energııasyn jeńildetilgen tarıfpen ala alady.
Áleýmettik mańyzy bar azyq-túlik taýarlarynyń tizimi keńeıtildi.
