Qazaqstanda bir apta ishinde altyn baǵasy qalaı ózgerdi
ASTANA. KAZINFORM — Qazaqstanda altyn baǵasy apta ishinde birneshe ret qubylǵanymen, keıinnen tómendedi. Qazirgi tańda bir gramm altyn 61 017 teńgeden saýdalanyp jatyr.
Qazaqstan Ulttyq bankiniń málimetinshe, búgingi tańda bir gramm altynnyń baǵasy 61 017 teńgeni qurap otyr. Bul bir kún burynǵy kórsetkishten 1440 teńgege tómen. Keshe baǵaly metaldyń bir gramy 62 457 teńgeden saýdalanǵan bolatyn.
Aptadaǵy eń joǵary baǵa 7 shildede tirkeldi. Sol kúni bir gramm altynnyń quny 62 791 teńgege jetken.
Al World Gold Council deregine sáıkes, álemdik naryqta 2 shilde kúni altynnyń bir gramy 130,48 AQSh dollaryn qurasa, búgingi kúni 130,92 AQSh dollaryna deıin tómendegen. Al apta ishindegi eń joǵary kórsetkish 6 shilde tirkelip, bir gramm altynnyń álemdik naryqtaǵy baǵasy 134,86 AQSh dollaryna jetken.
Jalpy alǵanda, bir apta ishinde Qazaqstanda altynnyń bir grammy 286 teńgege arzandady. Bir apta buryn onyń baǵasy 61 303 teńge bolǵan.
Buǵan deıin maýsym aıynda altyn baǵasy 12%-ǵa tómendegenin jazǵanbyz.
