Qazaqstanda boıjetkenderge qaraǵanda bozbalalardyń sany 58 myń adamǵa artyq - Statıstıka agenttigi
áýirdiń 30-y. QazAqparat /Ernur Aqanbaı/ - Qazaqstanda 14 pen 29 jas aralyǵyndaǵy jastardyń ishinde boıjetkenderge qaraǵanda bozbalalardyń sany - 58 myń adamǵa artyq,
dep habarlaıdy QazAqparat.
«Respýblıka boıynsha 2010 jyldyń basynda 14-ten 29 jasqa deıingi jastardyń sany - 4 mln. 616 myń adamdy qurady. Onyń ishinde, 2 mln. 337 myńy er balalar, 2 mln. 279 myńy qyzdar. ıAǵnı, paıyzdyq araqatynysty alsaq, onda 14-ten 29 jasqa deıingi jastardyń 50,6 paıyzy uldar, 49,4 paıyzy qyz balalar. Jastar arasynda boıjetkenderge qaraǵanda bozbalalardyń sany kóp. ıAǵnı, 10 boıjetke 10-nan sál astam bozbaladan keledi», dedi búgin bnews.kz portalynda ótken online-konferentsııada QR Statıstıka agenttiginiń tóraǵasy Álıhan Smaıylov.
Agenttik tóraǵasy, deıturǵanmen, jalpylama alǵanda elimiz boıynsha erlerge qaraǵanda áıelderdiń sany kóp ekenin atap kórsetti. «Qazaqstan boıynsha jalpy alǵanda 1000 áıel adamǵa 928 er adamnan keledi. 29 jasqa deıingi jastar jaıly aıtsaq, 1000 áıel adamǵa 1037 er adamnan keledi. ıAǵnı, 29 jasqa deıingi er azamattardyń sany áıel azamattardan kóp. Al, 30 ben 64 jas aralyǵyndaǵy top jaıly aıtsaq, elimizde bul jas aralyǵyndaǵy áıelderdiń sany erlerden kóp, bul jas tobynda 1000 áıelge 888 er adamnan keledi. Al, 65 jastan joǵary topqa kelsek, 1000 áıelge bar-joǵy 528 er adamnan keledi. Bul atalmysh jastan keıin erler arasyndaǵy ólim-jitimniń áıelderge qaraǵanda kóptigimen baılanysty», dedi Á. Smaıylov.
