Qazaqstanda bos jumys oryndarynyń basym bóligi «biliktilik deńgeıi joǵary mamandar» sanatynda bolyp otyr
ASTANA. QazAqparat - Qyzmetterdiń kásiptik toptary, ekonomıkalyq qyzmet túrleri jáne óńirler bólinisinde bos jumys oryndary men kadrlarǵa qajettilikti anyqtaý úshin QR Ulttyq ekonomıka mınıstrligi Statıstıka komıteti «Іri jáne orta kásiporyndardaǵy kadrlarǵa qajettilik jáne sany týraly esep» statıstıkalyq nysany boıynsha statıstıkalyq baıqaý júrgizgen. Baıqaýdyń nátıjeleri boıynsha 2015 jylǵy 1 qańtarǵa zerttelgen kásiporyndardaǵy qyzmetkerlerdiń tizimdik sany 2 925,3 myń adamdy, bos jumys oryndar sany 22 341 birlikti qurady. Qyzmetkerlerdiń tizimdik sanyndaǵy bos jumys oryndardyń úlesi 0,8% qurady. Bul týraly Statıstıka komıtetiniń baspasóz qyzmetinen habarlandy.
Málimetterge qaraǵanda, bos oryndardyń basym kópshiligi «biliktilik deńgeıi joǵary mamandar» qyzmettiń kásipkerlik toby boıynsha belgilendi jáne ol 5 207 birlikti, bos jumys oryndarynyń jalpy sanynan olardyń úlesine 23,3% qurady. Al «Іri jáne usaq ónerkásip kásiporyndarynyń, qurylystyń, kóliktiń, baılanystyń, geologııanyń jáne jer qoınaýyn barlaýdyń bilikti qyzmetkerleri» kásiptik top boıynsha bos oryndar sany 4 022 birlikti, «biliktilik deńgeıi orta mamandar» - 3 083 birlikti, «biliktiligi joq jumysshylar» - 2 718 birlikti quraǵan.
«Aǵymdaǵy jyl boıy edáýir kóp suranys iri jáne shaǵyn ónerkásip kásiporyndarynyń, qurylystyń, kóliktiń, baılanystyń, geologııanyń jáne jer qoınaýyn barlaýdyń bilikti qyzmetkerlerine bolady. Al olardyń tapshylyǵy 5 910 adamdy, biliktiligi joq jumysshylar - 4 488 adamdy jáne biliktilik deńgeıi joǵary mamandar 4 467 adamdy quraıdy. Aýyl, orman, ańshylyq, balyq sharýashylyǵynyń, balyq aýlaý kásibiniń bilikti qyzmetkerlerine suranysy az bolyp tabylady - 82 adam. Іri jáne usaq ónerkásip kásiporyndarynyń, kórkem kásipterdiń, qurylystyń, kóliktiń, baılanystyń, geologııanyń jáne jer qoınaýyn barlaýdyń bilikti qyzmetkerlerine basym qajettilikke ónerkásiptiń (3 183 adam) jáne qurylystyń (2 070 adam) kásiporyndary men uıymdary tapshylyq kórýde», delingen baspasóz baıanynda.
