Qazaqstanda Boryshkerlerdiń biryńǵaı reestri qurylady
Bul týraly búgin Astanada ótip jatqan atqarýshylyq óndiris júıesin jańartý jónindegi vedomstvoaralyq jınalysta QR Ádilet mınıstrligi Sot aktilerin oryndaý komıtetiniń tóraǵasy Janat Eshmaǵambetov málim etti.
«Komıtet tarapynan jańa aqparattyq júıeni qurý boıynsha jumys júrgizilýde. Bul óz kezeginde memlekettik organdarmen yqpaldastyq arqyly boryshker jóninde málimet alýǵa, avtomatty túrde shekteýlerdi engizýge jáne oǵan tyıym salýǵa múkindik beredi. Osy oraıda adamı faktordy tómendetýge múmkin bolady. Ázirlenip jatqan júıeniń aıasynda «Boryshkerlerdiń biryńǵaı reestri» qurylyp, jumystar boryshkerlerdi esepke alýǵa, olardy memlekettik jáne basqa da qyzmet túrlerinen shekteýge, belgili bir quqyqtarynan aıyrýǵa baǵyttalmaq»,-dedi komıtet basshysy.
Taratylǵan málimetterge qaraǵanda, sanktsııalar alımentterdi, eńbekaqyny tólemeıtinderge, qylmystan kelgen shyǵyndy ótemeıtinderge qatysty taralatyn bolady.
