Qazaqstanda boryshkerler bankten esepshot asha almaıdy

ASTANA. QazAqparat - QR Qarjy mınıstrliginiń Memlekettik kirister komıtetinde bereshegi bar salyq tóleýshilerge qatysty qoldanylatyn jańa sharalar týraly aıtty, dep habarlaıdy QazAqparat tilshisi.

«Salyq ákimshiligin kúsheıtý maqsatynda 2018 jylǵy 1 shildeden bastap  salyqtyq, áleýmettik tólemder boıynsha bereshegi bar salyq tóleýshiniń (zańdy tulǵa, jeke kásipker, sondaı-aq, jeke tulǵa) shot ashý týraly ótinishin bankterdiń qabyldamaý mindetin qarastyratyn Salyq kodeksiniń normasy engizildi», - dep jaýap berdi Komıtet ókili redaktsııanyń saýalyna.

Sondaı-aq, vedomstvoda atalmysh norma memlekettik bıýdjetten jáne Memlekettik áleýmettik saqtandyrý qorynan tólenetin járdemaqy men áleýmettik tólemderdi alýǵa arnalǵan bank shottaryna, QR-nyń «Memlekettik jınaqtaýshy bilim berý júıesi týraly» zańyna sáıkes bekitilgen bilim alýǵa arnalǵan jınaqtaýshy salymdar týraly kelisim boıynsha ashylǵan bank shottaryna taralmaıtynyn jetkizdi.

«ıAǵnı, jeke tulǵa bank shotyn osyndaı maqsattar úshin ashatyn bolsa, bank oǵan ruqsat bermeýge quqy joq. Tipti salyq bereshegi bolǵan jaǵdaıda da bank ótinishti qabyldady», - dedi Memlekettik kirister komıtetinde.