Qazaqstanda boryshkerdiń qaryzynan aıyppul sanktsııalaryn, ósimpuldy alyp tastaý qarastyrylýda
«Elimizdiń Qarjy mınıstrligi tólemge qabilettiligin qalpyna keltirý týraly zań jobasyn ázirleýde. Bul zań jobasy eń birinshi kezekte búgingi kúni qıyn jaǵdaıǵa dýshar bolyp, ózderiniń nesıelerin tóleı almaı otyrǵan jeke tulǵalardy qoldaýǵa baǵyttalǵan. Ol jeke sıpattaǵy qaryz, máselen banktik zaım, kommýnaldyq qyzmetter tólemi, salyqtyq boryshtar bolýy múmkin», - dedi QR QM MKK Boryshtarmen jumys basqarmasynyń jetekshisi Aıgúl Ýálıeva «Qazaqstan Respýblıkasy azamattarynyń tólemge qabilettiligin qalpyna keltirý týraly» zań jobasyn talqylaý barysynda.
Onyń aıtýynsha, jeke tulǵanyń bir mezette barlyq kredıtorlarymen esep aıyrysýyna týra kelmeýi úshin atalǵan zań jobasynda onyń tólem qabilettiligin qalpyna keltirýdiń sottan tys jáne sot protsedýralary qarastyrylǵan.
«Jeke tulǵanyń tólem qabilettiligin qalpyna keltirýdiń sottan tys protsedýrasy kredıtormen boryshkerdiń tólem qabilettiligin qalpyna keltirý jónindegi belgili bir jospardy túzýin kózdeıdi. Zań jobasynda atalǵan jospardyń 5 jylǵa deıingi merzimge jasalatyndyǵy qarastyrylǵan. ıAǵnı, boryshker óziniń aǵymdaǵy jaǵdaıyna, tabysyna qaraı kredıtor aldynda boryshyn ótep otyrady. Óz kezeginde, kredıtor boryshkerdiń belgili bir ýaqytta qaryzdy qaıtaratyndyǵyn túsinip, qaryzdan aıyppul sanktsııalaryn, ósimpuldy nemese syıaqy stavkasyn qaıta qaraýy múmkin», - dedi Ýálıeva.
Onyń aıtýynsha, jeke tulǵanyń tabysy, onyń múmkinshiligi kredıtormen esep aıyrysýǵa jetpese jáne ol muny túsinip kredıtorǵa habarlasa, onda mundaı jaǵdaıda boryshker óz múlki esebinen qaryzyn jabý úshin sotqa júginedi.
Sonymen qatar ol jalǵyz ǵana baspanasy bar jeke tulǵalardyń problemasy da qazirgi ýaqytta jan-jaqty qarastyrylyp jatqandyǵyn atap ótti.
«Ipotekalyq nesıe alǵan barlyq jeke tulǵalardyń múlikteri alynady dep birjaqty aıtýǵa bolmaıdy. Óıtkeni, bul másele qazirgi ýaqytta talqylanýda. Ol ekinshi deńgeıli bankter bizge statıstıka usynǵannan keıin ǵana anyqtalady. Eger múlik satylǵannan keıin de kredıtormen eseptesýge qarjy jetpeıtin bolsa onda sot qalǵan qaryzdy shyǵysqa jatqyzý týraly sheshim shyǵara alady», - dedi ol.
