Qazaqstanda boljanǵan altyn resýrstarynyń qory 10 myń tonnany qurap otyr

Bul týraly búgin «Geologııa 360» konferentsııasy barysynda QR Indýstrııa jáne jańa tehnologııalar mınıstrligi geologııa jáne jer qoınaýyn paıdalaný komıteti tóraǵasynyń orynbasary Aqbatyr Nadyrbaev aıtty.

Onyń málimdeýinshe, Qazaqstanda R1, R2 kategorııasy boıynsha boljanǵan altyn resýrstarynyń qory 10 myń tonnany qurap otyr. Olardyń 50 paıyzy jaqyn bolashaqta ónerkásiptik sanatta ıgeriledi dep josparlanýda.

«Júrgizilgen geologııalyq barlaý jumystarynyń nátıjesinde osyndaı kórsetkishti boljap otyrmyz. Eger osy aımaqtarda geologııalyq barlaý jumystaryn odan da tereńdete tússek, taǵy da 4 myń tonna altyn qoryn ónerkásiptik sanatta boljaýǵa bolady», - dedi Aqbatyr Nadyrbaev.

Jalpy alǵanda, Qazaqstanda A, V, S sanattaryndaǵy ıgerýge daıyn altyn qorynyń kólemi 1159 tonnany qurap otyr.

«1107 tonnany quraıtyn S2 sanatyna jatatyn altyn qory áli de zertteýdi talap etedi. Sondyqtan, bul baǵytta jumystar áli de jalǵasady», - dep qorytyndylady QR IJTM vıtse-mınıstri Nurlan Saýranbaev.