Qazaqstanda bolý erejesin buzǵany úshin 16 myńnan astam shetel azamaty ákimshilik jaýapkershilikke tartyldy
ASTANA. Sáýirdiń 21-i. QazAqparat /Gúlden Ramazan/ - Jaqynda ótken «Mıgrant» respýblıkalyq jedel aldyn alý is-sharasy barysynda 16 myńnan astam shetel azamaty ákimshilik jaýapkershilikke tartyldy. Bul týraly búgin Astanada ótken brıfıngte QR Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov málim etti,
dep habarlaıdy QazAqparat.
«Júrgizilgen operatsııanyń nátıjesinde Qazaqstanda bolý erejesin buzǵany úshin 16 463 shetel azamaty ákimshilik jaýapkershilikke tartyldy. Onyń ishinde 740-y alys shetel azamaty jáne 15 723-i TMD azamaty»,- dedi ol.
Sonymen qatar, elde bolý merzimi 5773 shetel azamaty úshin qysqartyldy.
Sheteldik jumys kúshin tartý men paıdalaný erejesin buzǵany úshin 394 jumys berýshi ákimshilik jaýapkershilikke tartyldy. 4933 qazaqstandyq ózderi shaqyrǵan sheteldikterdiń bolý sharttaryn saqtaýdy qamtamasyz etpegeni úshin ákimshilik tártippen jazaǵa tartyldy.
Al ártúrli qylmystar jasaǵandary úshin TMD-nyń 38 azamaty, olardyń 6-ýy esirtki saqtaǵany jáne satqany, 2-ýi qarý men oq-dáriler saqtaǵany úshin ustaldy.
