Qazaqstanda bolý erejelerin buzǵany úshin 11,5 myń sheteldik jaýapqa tartyldy

ASTANA. KAZINFORM – Qazaqstanda bolý erejelerin buzǵany úshin 11,5 myń sheteldik jaýapqa tartyldy. Bul týraly ІІM Aqparattyq saıasat departamentiniń basqarma bastyǵy Baýyrjan Maksımov málim etti.

«Ýchaske» jedel-aldyn alý sharasy osy jyldyń 16 qyrkúıeginen bastap úzdiksiz ótkizilýde. Sol ýaqyttan bastap tártip saqshylary 4 mıllıonnan astam páterler men jeke úılerdi aralap shyqty. Jalǵa beriletin 7 myńǵa jýyq páter anyqtalyp, olar týraly aqparat «salyq» organdaryna jiberildi. Qoǵamdyq oryndardy lastaǵany úshin 10 myń adam, sonymen qatar qoǵamdyq oryndarda balaǵat sózder aıtqany jáne úı múlikterine zaqym keltirgeni úshin 2 myń buzaqy jaýapqa tartyldy», - dedi basqarma bastyǵy mınıstrlikte ótken brıfıngte.

Onyń dereginshe, túngi ýaqytta kóshede nemese oıyn-saýyq oryndarynda zańdy ókilderinsiz júrgen 2 myń kámeletke tolmaǵan bala anyqtaldy.

«Qazaqstanda bolý erejelerin buzǵany úshin 11,5 myń sheteldik jaýapqa tartyldy. 38 myńnan astam sharýa qojalyqtary tekserildi. Aıta ketý kerek, obektilerdi aralaý kezinde órtke qarsy qaýipsizdiktiń saqtalýyna da nazar aýdaryldy», - dedi Baýyrjan Maksımov.