Qazaqstanda bólshek saýda kólemi 4,7 paıyzǵa joǵarylady
ASTANA. QazAqparat - 2015 jylǵy qańtarda bólshek saýda kólemi ótken jylǵy tıisti kezeńmen salystyrǵanda 4,7 paıyzǵa joǵarylap, 446,3 mlrd. teńgeni qurady. 2015 jylǵy qańtarda saýda kásiporyndary arqyly taýarlardy ótkizý kólemi 2014 jylǵy qańtarǵa qaraǵanda 251,1 mlrd. teńgeni qurady nemese naqty mánde 3,4 paıyzǵa artty.
Bul týraly QR Ulttyq ekonomıka mınıstrligi Statıstıka komıtetiniń baspasóz qyzmetinen habarlandy.
Komıtet aqparatyna qaraǵanda, 2015 jylǵy qańtarda bazarlarmen jáne jeke kásipkerlermen saýda kólemi ótken jyldyń tıisti kezeńimen salystyrǵanda 6,3 paıyzǵa joǵarylap, atalǵan ótkizý arnasynyń úlesi bólshek saýdanyń jalpy kóleminde 43,7 paıyzdy quraǵan. Sonymen qatar, bólshek saýda qurylymynda azyq-túlik emes taýarlar basymdyqqa ıe bolyp, ol bólshek saýdanyń jalpy kólemine 66 paıyzǵa ıe boldy. Budan bólek, azyq-túlik emes taýarlardyń bólshek saýdada ótkizilýi ótken jyldyń tıisti kezeńimen salystyrǵanda 6,4 paıyzǵa ósse, azyq-túlik taýarlary 1 paıyzǵa ulǵaıǵan.
«2015 jylǵy 1 aqpanǵa bólshek saýdadaǵy saýdamen aınalysatyn kásiporyndardyń taýarlyq qorlarynyń kólemi 296,2 mlrd. teńgeni qurady. 2015 jyly qańtardaǵy jaǵdaı boıynsha bólshek saýdanyń jalpy kólemindegi asa joǵary úles Almaty qalasy (31,7 paıyz), Astana qalasy (10,3 paıyz) jáne Qaraǵandy oblysyna (9,8 paıyz) tıesili bolyp otyr», - delingen baspasóz baıanynda.
