Qazaqstanda bólshek saýda kólemi 11,7 paıyzǵa kemidi

NUR-SULTAN. QazAqparat - 2020 jyldyń 7 aıynda elimizde bólshek saýda kólemi 11,7 paıyzǵa tómendep ketti. Bul týraly QR Ulttyq ekonomıka mınıstrliginiń Statıstıka komıtetinen málim etti, dep habarlaıdy QazAqparat tilshisi.

«Bólshek saýda kólemi 2020 jylǵy qańtar-shildede 5 608,8 mlrd teńgeni qurady nemese 2019 jylǵy tıisti kezeńine qaraǵanda 11,7 paıyzǵa az. 2020 jylǵy qańtar-shildede respýblıkadaǵy bólshek saýdanyń jalpy kólemindegi edáýir joǵary úles salmaq Almaty qalasyna (29,3%), Nur-Sultan qalasyna (11,5%), Qaraǵandy (9,5%) jáne Shyǵys Qazaqstan(9,1%) oblystaryna keledi», - delingen komıtet habarlamasynda.