Qazaqstanda Bolon protsesi jáne akademııalyq utqyrlyq ortalyǵy quryldy - QR BǴM
ASTANA. 9 qazan. QazAqparat - Búgin QR Bilim jáne ǵylym mınıstrliginde Bolon protsesi jáne akademııalyq utqyrlyq ortalyǵynyń tanystyrylymy ótti.
Ortalyqtyń basty maqsaty - elimizdegi ulttyq jáne joǵary oqý oryndarynyń deńgeıinde kelisilgen Bolon protsesiniń qaǵıdattaryn tolyq jáne tıisti júzege asyrýǵa járdemdesý.
Ortalyq dırektory Roza Ǵanıqyzynyń aıtýynsha, ortalyq qyzmetinde Bolon protsesi aıasyndaǵy stýdentterdiń akademııalyq utqyrlyǵyna úlken mán berilmek. Qazirdiń ózinde arnaıy tujyrymdama jasaqtalyp qoıǵan. Onda bilim, oqý sapasyn qamtamasyz etý arqyly Qazaqstannyń joǵary bilim júıesiniń básekege qabilettiligin qamtamasyz etý, onyń eýropalyq joǵary bilim keńistigine ıntegratsııalaý, halyqaralyq úlgilerge sáıkes keletin joǵary oqý oryndary dıplomdarynyń moıyndalýyna qol jetkizý boıynsha naqty sharalar bekitilgen.
Endi budan bylaı ortalyqta eýropalyq bilim keńistiginde qazaqstandyq joǵary mektep baǵdarlamalarynyń úılesimdigi týraly nusqaýlar qabyldanyp otyrmaq.
Eske sala keteıik, Qazaqstan Respýblıkasy Bolon protsesine múshe bolǵan 47-shi memleket jáne orta Azııa memleketteriniń arasynda birinshi bolyp eýropalyq bilim keńistigine tolyq quqyqty qatysýshy el bolyp tabylady.
