Qazaqstanda bolǵan jer silkinisi Qyrǵyzstanda da sezildi
ASTANA. KAZINFORM – Qazaqstan aýmaǵynda bolǵan jer silkinisin Qyrǵyzstanda shekaralas aýdandardyń turǵyndary sezindi, dep habarlaıdy Kazinform tilshisi.
Tótenshe jaǵdaılar mınıstrliginiń Qyrǵyz Respýblıkasy Ulttyq ǵylym akademııasynyń seısmologııa ınstıtýtyna silteme jasap habarlaýynsha, 28 naýryzda saǵat 04:42–de Qazaqstan aýmaǵynda MSK-64 shkalasy boıynsha 5,5 baldyq jer silkinisi tirkeldi.
Oshaq Kópýro-Bazar aýylynan soltústikke qaraı 20 shaqyrym jerde, Bishkekten ońtústik-batysqa qaraı 133 shaqyrym jerde ornalasqan.
— Jer silkinisi Talas oblysy Talas aýdany Kópýro-Bazar aýylynda 5 ballǵa deıin, Qara-Balta jáne Bishkek qalalarynda 4 ball shamasynda sezildi, — delingen habarlamada.
Tótenshe jaǵdaılar mınıstrligi tekserý jáne túsindirý jumystaryn júrgizip jatyr. Tolyq aqparat keıinirek beriledi.
Eske sala keteıik, búgin túnde Almatydan 323 shaqyrym jerde jer silkinisi tirkelgenin jazǵan bolatynbyz.
