Qazaqstanda bolashaq sport juldyzdary stýdentter arasynan izdestiriledi

Bul týraly búgin Úkimet otyrysynda QR Sport jáne dene shynyqtyrý isteri agenttiginiń tóraǵasy Erlan Qojaǵapanov málim etti.

«Erekshe nazarǵa stýdenttik sport laıyqty. Batys elderiniń tájirıbesine qaraǵanda ýnıversıtettik komandalardan jeńis tuǵyryna olımpıada juldyzdary men jankúıerlerdiń súıikti sportshylary shyǵady»,-dedi agenttik basshysy.

Onyń aıtýynsha, osyǵan baılanysty agenttik QR Bilim jáne ǵylym mınıstrligimen elimizdiń joǵarǵy oqý oryndary men kolledjderinde sporttyq klýbtardyń júıesin damytýdy birlese júrgizýde.

«Bul óz kezeginde stýdentter arasynda sportty budan ári qaraı keńinen nasıhattaýǵa, sport ınfraqurylymyn damytýǵa yqpal etedi»,-dedi E. Qojaǵapanov.