Qazaqstanda «Bolashak Life» donorlyq aptalyǵy ótip jatyr

ASTANA. QazAqparat - Qazaqstanda 13-inen 17 maýsymǵa deıin «Bolashak Life» donorlyq aptalyǵy ótip jatyr. Ol Dúnıejúzilik donor kúnine arnalǵan jáne Qazaqstan Táýelsizdiginiń 25 jyldyǵyna arnalǵan «25 ıgi is» aktsııasy "Bolashaq" qaýymdastyǵynyń 15 jyldyǵy aıasynda ótýde, dep habarlady «Bolashaq» qaýymdastyǵynyń baspasóz qyzmetinen.

Onyń basty maqsaty qoǵam nazaryn erikti túrde donorlyq úshin qan tapsyrýǵa aýdarý. Búginde Qan ortalyqtary jumys istep turǵan Qazaqstannyń 22 qalasynyń turǵyndarynda donor bolý múmkindigi bar.  

14 maýsymda Respýblıkalyq donorlar transfýzıologııasynyń ǵylymı-óndiristik ortalyǵyndaǵy jıynǵa QR Parlamenti Májilisiniń depýtaty Baqtııar Máken, Respýblıkalyq transfýzıologııa ortalyǵynyń dırektory Jandos Búrkitbaev, «Bolashaq» Qaýymdastyǵy Keńesiniń múshesi, «NATR» AQ Basqarma tóraǵasynyń orynbasary Jumataı Sálimov qatysty.

Saltanatty sharada Jandos Búrkitbaev otandastarynyń ómirin qutqarý úshin kóp jyldar boıy qan tapsyryp júrgen Qazaqstannyń erikti donorlaryna  alǵys aıtty.

Uıymdastyrýshylar men seriktester: «Bolashaq» Qaýymdastyǵy, Respýblıkalyq transfýzıologııanyń ǵylymı-óndiristik ortalyǵy. Qoldaý kórsetkender «Qazaqstan Eksımbank» AQ, Ǵazıza Jubanova atyndaǵy memlekettik ishekti kvartet, Qazaq ulttyq óner  ýnıversıteti, «Prazdnık vkýsa» kompanııasy, «Rosınka Bıo» JShS.