Qazaqstanda boks klýbtary arasynda chempıonat ótedi
ASTANA.KAZINFORM — Qazaqstan boks federatsııasynyń bas hatshysy Mereı Aqshalov qazaqstandyq boks klýbtary arasynda chempıonat ótetinin aıtty.
QBF bas hatshysynyń aıtýynsha, atalǵan chempıonatty 2026 jyly bastap ótkizýdi josparlap otyr.
— Ózderińiz bilesizder, kezinde Astana Arlans degen boks klýby boldy. Sol jerde bokstasyp, kóp tájirıbe jınaqtadyq. Endi osy týrnırdi kelesi jyldan bastap elimizde ótkizýdi josparlap otyrmyz. Atalǵan chempıonatqa óńirlik sport basqarmalaryna qarasty boks klýbtary qatysa alady. Jarys 5 raýndtan, jartylaı kásipqoı boks stılinde ótedi, — dedi Aqshalov federatsııasynyń jyldyq konferentsııasynda.
Mereı Aqshalovtyń aıtýynsha, osyndaı týrnırlerdi uıymdastyrý sporttyq rezervti qalyptastyrýǵa, óńirdegi boks sportyn damytýǵa septigin tıgizedi.
Eske sala keteıik, búgin elordadaǵy «Qazaqstan» jeńil atletıkalyq sport kesheninde QR boks federatsııasynyń jyldyq konferentsııasy ótti.
Osyǵan deıin habarlaǵanymyzdaı, Shrı-Lanka astanasy Kolombo qalasynda ótip jatqan bokstan Azııa chempıonatynda qazaqstandyq 11 jas boksshy fınalǵa shyqty.