Qazaqstanda Boeing 737 MAX ushaqtary qoldanystan alynbaıdy - komıtet

Qazaqstannyń azamattyq avıatsııa komıteti elimizde tirkelgen Boeing MAX áýe kemeleri boıynsha málimdeme jasady, dep habarlaıdy Kazinform.

Aıta keteıik, osy aptada AQSh-ta Portlendten Kalıfornııaǵa ushyp shyqqan Alaska Airlines ushaǵynyń terezesi ushyp ketken bolatyn. Oqıǵa jerden 5 shaqyrym bıiktikte bolǵan. 

Osyǵan baılanysty AQSh pen Eýropada Boeing 737 MAX 9 ushaǵy qoldanystan shyǵarylyp, tekserý bastaldy. 

Komıtettiń habarlaýynsha, Qazaqstannyń avıatsııalyq ákimshiligi eldegi osy tıptegi ushaqtardy paıdalanýshylarmen, sondaı-aq Boeing jáne FAA-men ári qaraı qandaı shara qabyldaıtynyn sheshý úshin tyǵyz baılanysta.

«Qazaqstanda Boeing 737-9 MAX ushaǵynyń 5 danasy tirkelgen, bárinde ushýǵa jaramdylyq sertıfıkaty bar. FAA ushýǵa jaramdylyq jóninde shuǵyl dırektıva shyǵardy (51.02.2024). Ushýǵa jaramdylyq dırektıvasy avtomatty túrde barlyq B-737 MAX paıdalanýshylaryna qoldanylady. Bul dırektıva ortasha kabınanyń apattyq shyǵý lıýgi ornatylǵan kez kelgen sanatta sertıfıkattalǵan Boeing kompanııasynyń B737-9 úlgisindegi áýe kemelerine qoldanylady» dep málimdedi komıtet.

Al Qazaqstanda tirkelgen áýe kemelerinde apattyq shyǵý lıýgi emes, esigi paıdalanylady, demek dırektıvanyń elimizdegi áýe kemelerine qatysy joq.