Qazaqstanda Boeing 737 MAX ushaǵyn iske qosýǵa daıyndyq jumystary júrýde
Qazaqstannyń avıatsııalyq ákimshiligi áýe kompanııaǵa trenıngter ótkizýge, óndirýshiniń jańartylǵan protsedýralaryn ustanýǵa, sondaı-aq ushý, bıiktikke kóterilý kezeńderinde jáne eshelonda jyldamdyq quraldary durys kórsetilmegen jaǵdaıda ekıpajdardyń áreketterin trenajerlik daıarlaý baǵdarlamasyna qosýdy usyndy.
Qazirgi ýaqytta SCAT ınjenerlik-avıatsııalyq qyzmeti jáne Qazaqstanǵa kelgen Boeing kompanııasynyń tehnıkalyq mamandary áýe kemesin qaıta iske qosýdyń jáne baǵdarlamalyq jasaqtamany modıfıkatsııalaýdyń barlyq protsedýralaryn aıaqtady.
SCAT ushqyshtary álemdegi sertıfıkattalǵan jattyǵý ortalyqtarynyń birinde trenajerlik daıyndyqtan ótti. Aldaǵy aptada kompanııa testilik ushýlardy oryndaýdy josparlap otyr. Qazirgi ýaqytta áýe kemesi áýe kemesin óndirýshiniń jáne AQSh pen Qazaqstannyń avıatsııalyq bılik oryndarynyń talaptaryna sáıkes ony paıdalanýǵa qaıtarý boıynsha tehnıkalyq jumystardy oryndaýdyń qorytyndy kezeńinen ótýde.
Áýe kemesiniń ushýǵa jaramdylyǵyn baǵalaý boıynsha sertıfıkattyq tekserýdi 2021 jylǵy aqpanda júrgizý josparlanyp otyr. «Qazaqstannyń avıatsııalyq ákimshiligi» AQ áýe kemesiniń kommertsııalyq ushýlardy qalpyna keltirýge daıyndyǵyn tekseredi.
Esterińizge sala keteıik, 2019 jyldyń naýryz aıynda Azamattyq avıatsııa komıteti SCAT áýe kompanııasynyń Boeing 737 MAX ushaǵyn paıdalanýdy ýaqytsha toqtatty. Qazaqstandyq tizilimde osy úlgidegi bir áýe kemesi tirkelgen.
Boeing 737 MAX-tiń jumysyn barlyq elder eki qaıǵyly avıatsııalyq apattan keıin ýaqytsha toqtatty.
Júrgizilgen jumys barysynda 4400 saǵattan astam testileý ótkizildi, onyń ishinde 1350 ushýlar oryndaldy. Retteýshiler júrgizgen ushaqtyń ushý synaqtary jańartylǵan baǵdarlamalyq jasaqtamanyń qaýipsizdigi men tıimdiligin kórsetti.
2021 jyldyń 27 qańtarynda 737 MAX Ushý qaýipsizdigi jónindegi eýropalyq avıatsııalyq agenttigi agenttigi (EASA) jáne Ulybrıtanııanyń Azamattyq avıatsııa basqarmasy (UK CAA) maquldady, bul Eýropada ushýdy qaıta bastaýǵa jol ashty.
